மும்பை தொடர் குண்டு வெடிப்பு வழக்கில் யாகூப்மேமன் தூக்குதண்டனையை நிறைவேற்றுதலுக்கு எதிராக தாங்கள் அனுப்பியுள்ள கருணைமனுவைப் பரிசீலிக்கும்படி குடியரசுத் தலைவருக்கு நாட்டிலுள்ள புகழ்பெற்றநீதிபதிகள், நாடாளுமன்ற உறுப்பினர் கள் முதலானோர் ஞாயிறன்று கருணை மனு அளித்துள்ளார்கள். இந்தக் கருணை மனுவில் ஓய்வுபெற்ற நீதியரசர்கள் பனசந்த் ஜெயின், எச்.எஸ். பேடி, பி.பி. சாவந்த், எச். சுரேஷ், கே.பி. சிவசுப்பிரமணியம், எஸ்.என்.பார்கவா, கே. சந்துரு, நாக்மோகன் ஆகியோரும் நாடாளுமன்ற உறுப்பினர்கள் சத்ருகன் சின்கா, மணிசங்கர் ஐயர், ராம்ஜெத்மலானி, மஜீத் மேமன், சீத்தாராம் யெச்சூரி (பொதுச்செயலாளர், மார்க்சிஸ்ட் கம்யூனிஸ்ட் கட்சி), து. ராஜா(இந்தியக் கம்யூனிஸ்ட் கட்சி), கே.டி.எஸ். துளசி, எச்.கே. துவா, டி. சிவா (திமுக) ஆகியோரும் பிரகாஷ் காரத் (அரசியல் தலைமைக்குழு உறுப்பினர், சிபிஎம்),பிருந்தா காரத் (அரசியல் தலைமைக்குழு உறுப்பினர், சிபிஎம்), திபங்கர் பட்டாச்சார்யா (பொதுச் செயலர், இந்தியக் கம்யூனிஸ்ட் கட்சி (மா-லெ-லிபரேசன்) மற்றும் எண்ணற்ற கல்வியாளர்கள், சட்டவல்லுநர்கள், நசிருதீன் ஷா, மகேஷ் பட் போன்ற திரைப்படக்கலைஞர்கள், நடிகர்கள் ஆகியோரும் இக்கருணை மனுவில் கையொப்பம் இட்டிருக்கிறார்கள்.
