சட்டப்பேரவைக்கு புதிதாக தேர்ந்தெடுக்கப்பட்டுள்ள உறுப்பினர்களில், 170 பேர் கோடீஸ்வரர்களாக உள்ளனர். சராசரியாக, இந்த கோடீஸ்வர உறுப்பினர்கள் ஒவ்வொருவருக்கும், 8.21 கோடி ரூபாய் அளவுக்கு சொத்துகள் உள்ளது தெரியவந்துள்ளது.100 கோடி ரூபாய்க்கும் அதிகமாக சொத்துகள் உடைய 3 உறுப்பினர்களில், முதல்வராக பதவியேற்றுள்ள ஜெயலலிதாவும் இடம் பெற்றுள்ளார்.தேர்தலின் போது வேட்பாளர்கள், தங்கள் வேட்புமனுக்களுடன் தாக்கல் செய்த பிரமாணப் பத்திரங்களை ஆய்வு செய்த, ஜனநாயக சீர்திருத்த சங்கமும், ‘தமிழ்நாடு எலக்ஷன் வாட்ச்’ அமைப்பும் புதிய எம்எல்ஏக்களில் எத்தனை பேர் கோடீஸ்வரர்கள் என்பது குறித்த விவரங்களை வெளியிட்டுள்ளன.
